Igl uffeci da stumadira e concuors dalla Regiun Surselva ei responsabels per tuttas vischnauncas dalla Regiun Surselva. Sigl 1. da december 2025 ni tenor cunvegnientscha encurrin nus ina nova / in niev

Menadra/ menader digl uffeci da stumadira e concuors 80-100%

Vossas incumbensas
En quella funcziun pretensiusa essas Vus responsabels per tuttas lavurs che sedattan en connex cugl uffeci tenor definiziun dalla lescha da stumadira e concuors sco era tenor las prescripziuns dall’autoritad da survigilonza dil cantun.

Vies profil

• Vus disponis d'ina scolaziun commerziala fundamentala ed el cass ideal dil certificat professiunal e d’econuschientscha sil sectur da stumadira e concuors. Experientscha professiunala els fatgs da stumadira e concurs ei d’avantatg, en spezial enconuschientschas fundadas dils process dalla LSC sco era da lur cundiziuns generalas giuridicas. 

• Grazia a Vossa capientscha per connexs economics e socials saveis Vus semetter bein ellas differentas situaziuns da veta e possedis schibein empatia sco era forza da perschuader. 

• Experientscha da tgamunar sur plirs onns, in bien dun da contrahar, plascher da decider sco er’ ina conduita impeccabla cumpleteschan Vies profil.

• Nus purschin cundiziuns d’engaschament modernas ed attractivas tenor la legislaziun cantunala da persunal.

• Per eventualas damondas ed ulteriur sclariment stat il meinafatschenta dalla Regiun Surselva, Roger Tuor (081 926 25 00/ roger@surselva.ch) bugen a Vossa disposiziun.

Havein nus svegliau Vies interess? 

Bugen spitgein nus Vos documents d’annunzia entochen ils 3 d’october 2025: 

Regiun Surselva
Glennerstrasse 22a
7130 Ilanz/Glion

ni per email a: roger@surselva.ch

La Regiun Surselva ei l'organisaziun da survetschs dallas 15 vischnancas en Surselva.
Sigl 1. da december 2025 ni tenor cunvegnientscha encurrin nus ina nova / in niev

menadra/menader pil Recicladi Surselva a Plaun Grond/Rueun 80-100%

Vossas incumbensas:

• Organisaziun, direcziun e survigilonza dil menaschi
• Responsabladad pil team da Plaun Grond
• Tgira da clientella
• Gestiun tecnica: cumpra dils mieds da menaschi e preparaziun d’investiziuns
• Garanzia dalla disponibladad per tractar ils differents rumians
• Preparar informaziuns per la direcziun dalla Regiun Surselva
• Realisar e risguardar las cundiziuns d’approbaziun e dil menaschi (p.ex. segirtad da lavur)
   

Vies profil:

• Vus essas iniziativs e flexibels.
• Vus haveis terminau in emprendissadi ed haveis experientscha da luvrar.
• Vus haveis plascher da menar in team.
• Vus surprendis responsabladad.
• Vus essas promts da sescolar.
• Promtadad da s‘engaschar e moda da luvrar autonoma, flexibladad, habilitad da luvrar en in team ed organisaziun ein per Vus negins plaids jasters.
• Vus haveis enconuschientschas dils sistems dad EED usitai, plascher ed interess vid innovaziuns e sligiaziuns digitalas.

Nus purschin cundiziuns d’engaschament modernas ed attractivas tenor la legislaziun cantunala da
persunal.

Per eventualas damondas ed ulteriur sclariment stat il meinafatschenta dalla Regiun Surselva,
Roger Tuor (081 926 25 00/roger@surselva.ch) bugen a Vossa disposiziun.

Havein nus svegliau Vies interess? Bugen spitgein nus Vos documents d’annunzia entochen
ils 26 da settember 2025:

Regiun Surselva
Glennerstrasse 22a
7130 Ilanz

ni per email a: roger@surselva.ch