La Regiun Surselva enquera sigl 1. da settember 2022 ni tenor cunvegnientscha in/ina

pedel/a resp. ina persuna da schubergiar (80% -100%)

Vossas incumbensas principalas:

• lavurs da manteniment e da schubergiar ils biros e las localitads d’instrucziun
• schubergiar e tgirar l’immobiglia
• haver quitau dalla tecnica da casa
• schubergiar periodicamein las finiastras e la garascha
• tgira dil contuorn
• better ora neiv avon las entradas
• inventarisar e cumprar en il material da diever
• lavurs generalas da manteniment
• allontanar rumians

Nus purschin ina lavur independenta cun cundiziuns d’engaschament adequatas al temps.

Liug da lavur: Glion

Ulteriurs sclariments dat Gian Carlo Albin, Via dil Glogn 22a, 7130 Glion sut la numera da telefon 081 926 25 00.

Fagei aschi bien ed inoltrai Vossa annunzia culs documents usitai tochen ils 15 d’uost 2022 alla: Regiun Surselva, Gian Carlo Albin, Via dil Glogn 22a, 7130 Glion ni per mail a giancarlo@surselva.ch.

Menader/-menadra pil svilup regiunal

Il svilup regiunal economic ei ina dallas incumbensas centralas dallas vischnauncas e dallas regiuns el cantun Grischun. Per tener quen da quella finamira meina la Regiun Surselva in post pil svilup regiunal.

En consequenza d’ina occupaziun nova encurin nus per quella interessanta activitad in/ina:

Menader/-menadra pil svilup regiunal

Incumbensas:

• Vus essas responsabels pil territori economic funcziunal dalla Surselva e quei sur la regiun ora per realisar la Nova politica Regiunala dalla confederaziun e dil cantun. Vus accumpigneis e sustenis projects sil sectur dil svilup regiunal e dalla promoziun regiunala
• Vus procureis e possibiliteis ils contacts denter l’economia, la politica e l’administraziun
• Vus inizieis, meneis ed accumpigneis projects che dattan impuls economics regiunals ed essas persuna da contact per la collaboraziun sur ils cunfins ora cun las regiuns vischinontas, specialmein culla regiun dil Gotthard
• Vus coordineis Vossas activitads culs ulteriurs acturs che s’engaschan pil svilup economic dalla regiun e dil cantun
• Vus tgireis projects dalla regiun d’energia Surselva

Pretensiuns:

• Vus disponis d’ina scolaziun fundada cun peisa sil sectur dall’economia da menaschi e/ni dall’economia publica
• Vus disponis d’experientscha professiunala sils secturs dalla politica, dall’economia ni dalla societad
• Vus saveis cumprovar enconuschientschas el management da projects e haveis saviu rimnar experientschas sil sectur da direger projects
• Vus disponis da bunas habilitads da communicar, essas disai da luvrar independentamein, essas disai da supportar squetsch ed essas flexibels
• Vus essas orientai a soluziuns e disponis d’in sensori d’interprendider

Nus purschin:

• In camp da lavur variont e dinamic dat a Vus la pusseivladad da sesviluppar professiunalmein a moda extendida en in ambient attractiv
• Cundiziuns da lavur modernas sco era ina indemnisaziun adequata al temps secapeschan da sesez
• In’activitad cun gronda responsabladad cun spazi da concepir ideas

Grad d’occupaziun:
100 %

Entschatta:
tenor cunvegnientschas

Liug da lavur:
Glion

Termin d’annunzia:
21 da zercladur 2022

Persuna da contact:
Duri Blumenthal, meinafatschenta
081 926 25 00

Annunzias a:
Regiun Surselva
Glennerstrasse 22a
7130 Ilanz
ni: duri@surselva.ch