GIDAR DA FORMAR IGL AVEGNIR DALLA SURSELVA

avegnirSURSELVA

Co vulein nus viver e luvrar egl avegnir en Surselva?
Co sa la regiun daventar pli attractiva per indigens, indigens secundars e turists?
Co stuess la Surselva sesviluppar ch’ins sesenta era egl avegnir cheu da casa?

Ussa separticipar alla retscherca online davart avegnir dalla Surselva

Davart quellas damondas elaborein nus els proxims meins la strategia avegnirSURSELVA. Nus elaborein da cuminonza perspectivas pil svilup economic e social dalla Surselva. Nus introducin quei process cun ina retscherca online, nus vulein eruir Vossas aspectativas pil futur. Cun Voss’opiniun saveis Vus gidar a formar igl avegnir dalla Surselva. El center stattan las grondas midadas socialas e tecnicas e lur muntada per la Surselva.

Bugen informein Vus regularmein davart il process current ed ils resultats intermediars. Cun nies messadi avegnir essas Vus adina sil current.

Ussa seregistrar pil messadi avegnirSURSELVA

Duront igl entir process da quei project eis ei fetg impurtont da cumpegliar la populaziun. Suandonts pachets da lavur ein previ:

  1. Prevista digl avegnir (studi Foresight): Retscherca online per la identificaziun dallas pli impurtontas sfidas regiunalas e potenzials pigl avegnir dil svilup resp. giudicament dallas consequenzas e relevanza dils impurtonts (mega)-trends sin la Regiun Surselva.
  2. Dialogs burgheis: Discussiun dils impurtonts trends dil svilup ord vesta dalla populaziun ed identificaziun d’impurtontas pretensiuns al svilup digl avegnir. Per quei intent vegnan 75 persunas indigenas ord la regiun envidadas a workshops da mez dis.
  3. Visiun/directiva e concretisar en gruppas da focus.
  4. Svilup plan da mesiras: Realisaziun d’ina gronda participaziun dalla populaziun en fuorma digitala per la reflexiun critica dil sboz da visiun e directiva.