Renconuschientscha dalla paternitad
In affon da geniturs buca maridai ha il dretg sin la constataziun dalla paternitad.
- Quei sa succeder entras il bab avon ni suenter la naschientscha tier igl uffeci civil
- Tras in process da paternitad avon la dertgira
Succeda la renconuschientscha buca enteifer termin tier igl uffeci civil, sto l'autoritad per la protecziun d'affons e carschi (APUC) instituir ina curatella pigl affon ed incaricar tala cun la regulaziun dalla paternitad.
Bugen cussegliein nus geniturs ch'ein buca maridai davart la procedura en connex cun la renconuschientscha dalla paternitad. Nus informein Vus davart ils documents necessaris sco era davart igl andament.