Sclariment davart stumaziuns
Liug da stumaziun
- Persunas naturalas ein da stumar al liug da domicil
- Persunas giuridas e societads impurtadas el register da commerci ein da stumar alla sedia
- Persunas sut ugadia al liug da domicil tier la cumissiun tutelara
- Uniuns buca impurtadas el register da commerci al liug dall'administraziun, resp. al domicil dil president
- Cuminonzas da proprietaris en condomini leu, nua che l'immobilia sesanfla
- Stumaziun sin utilisaziun d'in pegn manual: Al liug dalla caussa ni al liug da stumaziun ordinari dil debitur
- Stumaziun sin utilisaziun d'in pegn manual en procedura d'in dretg da retenziun: Al liug dalla caussa, nua ch'igl inventari digl object pertuccaus d'in dretg da retenziun ei vegnius registraus
- Stumaziun sin utilisaziun d'in pegn immobiliar: Al liug dil pegn immobiliar
- Arrest: Leu nua che las valurs da facultad sesanflan
- Wechsel: Liug da stumaziun dil debitur
Damonda da stumaziun per contribuziuns d'aliments
Damondas per contribuziuns d'aliments ein da cumplettar cun las suandontas indicaziuns:
- Debitur: num/prenum exact, adressa correcta
- Creditur: Num, prenum, adressa
- Motiv da pretensiun
- Affon cun dretg d'aliments cun num/prenum, datum da naschientscha, contribuziun meinsila, cuoz dils pagaments meinsils pendents
- tgei aliments ein vegni prefinanziai e tgeinins buca
- Motiv giuridic (sentenzia da separaziun, divorzi eav.)
Motiv da pretensiun
La persuna stumada sto veser claramein il motiv dalla pretensiun sil camonda da pagament .
+ Quen dils...
+ Emprest dils..., da pagar dapi...
+ Tscheins da locaziun dil...entochen...per la habitaziun...
+ Declaronza dils debits enscretta dils ...
- "Indemnisaziun da donn", senza descripziun exacta
- Quen
- Scret da sperdita dils..., senza descripziun dil document da pretensiun
- Aliments
Motivs insufficients sto il credit meglierar (taxa)
Creditur egl exteriur
Il creditur egl exteriur ei, tenor artechel 67 alinea 1 cefra 1 dalla lescha da scussiun e concuors (LSC), obligaus d'eleger in domicil en Svizra. Quei munta ch'in tal creditur basegna per la retschevida dils acts da stumadira e per autras communicaziuns in representant plenipotenziau en Svizra. Cuosts da stumaziun ein da pagar anticipadamein.
