Regiun Surselva - Spital Surselva - Spitex Foppa

Annunzia:

• sur la spitex en vossa regiun
• sur vies miedi da casa
• ni directamein

tel. 081 926 57 66
gliendisdis - venderdis 07:30 - 16:00

Il Survetsch da punt palliativ

• ei ina purschida da cussegliaziun supplementara alla tgira dalla spitex.
• sustegn persunas grevamein malsaunas e moribundas.
• sustegn ils confamigliars, las persunas da tgira ed ils miedis da casa.

Las finamir

• mitigar ils simtoms engrevegionts ed aschia mantener ina qualitad da viver aschi buna sco pusseivel.
• las persunas pertuccadas duein saver viver e murir el liug desiderau (a casa, ella casa d‘attempai ni el spital).
• ina collaboraziun stretga e collegiala cun la spitex, cun ils miedis da casa e cun tut ils survetschs involvi.

Il team dil Survetsch da punt palliativ

• ein tgirunzas e tgirunzs diplomai cun in perfecziunament specialisau en la tgira palliativa e/ni oncologica.

Contonschibladad e temps da survetsch

• primarmein essan nus contonschibels per telefon duront las uras da biro (gliendisdis – venderdis).
• nus planisein nos survetschs ensemen cun las persunas pertuccadas.
• per cass d‘urgenza ein en emprema lingia ils miedis e las spitexs involvidas responsabels.

Survetschs

• sclarir il basegns da tgira e planisar las mesiras da tgira ensemen cun la spitex responsabla ed il miedi da casa.
• porscher ina cussegliaziun psicosociala e specialisada, accumpignar e sustener persunas pertuccadas e lur confamigliars en connex cun la tgira cumplessiva ed individuala per mitigar ils simtoms engrevegionts.
• sustener ils confamigliars che tgiran a moda efficacia per rinforzar lur resursas.
• instruir persunas specialisadas ed ils confamigliars en il sectur tecnicmedicinal.
• porscher cussegliaziun e sustegn per retrer material.
• surprender a cuorta vesta lavurs da tgira tecnic-medicinalas per impedir ina hospitalisaziun.
• intermediar e coordinar ulteriurs survetschs (cussegliaziun sociala, pastoraziun, Ligia pulmunara, voluntaris ea.).

Cuosts

• tenor la tariffa dalla Spitex

Persunas grevamein malsaunas ni moribundas e lur confamigliars drovan la segirtad e la confidonza ch‘ellas vegnien tgiradas cun dignitad ed a moda professiunala – era sche la veta ei greva.