Velo da muntogna ella Surselva

La Ruinaulta, la planira dalla Greina ni la tgina dil Rein al Lag da Tuma ein senza dubi monuments naturals da renum naziunal ed internaziunal. Ultra da quellas perlas porscha la Surselva denton era nundumbreivlas cuntradas cultivadas, objects naturals ni loghens culturals ch’ins viseta il meglier cun in bike sin ina dallas numerusas turas. La paletta per bikers en Surselva ei vasta e tonscha naven da singletrails, jumps, uphills, downhills, maratons sur funparks tochen a turas da bike normalas. Las rutas meinan sur pradas verdas, sin alps, sper cascadas ni pézs imposants che fan batter il cor da mintgin. Tgi che vul guder la vasta purschida d’ina entira regiun da bike anfla cheu tut las informaziuns davart las singulas turas e sa cargar giu ellas sco datas da GPS.

Ei legrass nus d’astgar beneventar Vus ella Surselva sin ina tura da bike.

Cordial beinvegni ella regiun da bike Surselva!