Program d'instrucziun

1. semester uost 2011 tochen fin da schaner 2012
2. semester fevrer 2012 tochen fin da zercladur 2012

a) geniturs-affons fan musica (2-3 onns)

Cuntegn:

Cantar e saltar porscha als affons e geniturs in communabel sfunsar el mund dalla musica
Canzuns vegnan cantadas ed ei vegn fatg giugs communablamein
Nus tgirein il scazi da canzuns e sunein differents instruments

Finamira:

„Geniturs-affons fan musica“ sveglia e sustegn sin moda termaglionta il svilup musical digl affon
Cun sunar, saltar e cantar communablamein vegn la musica vivida e promovida
Ils geniturs retscheivan in variont scazi da canzuns e vegnan animai da cantar, sunar e saltar era ordeifer il cuors

b) ritmica per affons pigns (4-5 onns)

17 lecziuns a 50 minutas, ca. 8 scolars

L’instrucziun da ritmica promova igl affon a moda cumplessiva (musica e moviment). Ella dat als affons la pusseivladad da sedar giu cun ils divers aspects dalla musica. Mieds gidonters ein moviments, material da ritmica, instruments, versets, canzuns e historias. Leutier vegn l’udida, la reacziun e la concentraziun exercitada en fuorma da giug. Ils affons vegnan plidentai dalla gronda expressiun dalla musica. Cun sempels mieds vegn quei effect vicendeivel d’affon e musica nezegiaus, exercitaus adequat alla vegliadetgna e fatgs cunscients. Ritmica ei ina fetg buna preparaziun sin l’entschatta dall’instrucziun da musica.

c) Instrucziun prescolara (davos onn da scoletta) /scolaziun elementara (1. + 2. classa)

17 lecziuns à 60 minutas, naven dil davos onn da scoletta, ca. 8 scolars

L'instrucziun prescolara/scolaziun elementara cumpeglia in pensum da treis onns. En-tras semover, tedlar, cantar e notar vegn igl affon sensibilisaus per ritmus, melodia, fuorma ed expressiun. La scolaziun elementara promova la fantasia e la creativitad digl affon, ella sveglia il plascher ed ils sentiments e dat sustegn al svilup general.

d) Cuors elementar (cun flauta)

17 lecziuns à 40-60 minutas, tenor grondezia dalla gruppa, per regla naven dalla 2. classa

max. 6 scolars
Il cuors elementar cumpeglia in pensum da dus onns. Sper l'instrucziun elementara en cantar, leger e scriver notas cuntegn il cuors elementar la scolaziun dall'udida entras cantar, sunar la flauta e sefatschentar culs instruments d'Orff. Plinavon vegn igl affon sensibilisaus per moviment e musica entras il rom da ritmica.

e) Instrucziun en gruppa

17 lecziuns à 40-60 minutas, tenor grondezia dalla gruppa, per regla naven dalla 4. classa

f) Instrucziun singula

17 lecziuns à 30 minutas, entschatta individuala tenor instrument e madirezia musicala digl affon

g) Ensembles

Emprovas tenor plan special d’activitads.
La cooperaziun en ensembles pretenda per regla la frequentaziun parallela d’instrucziun tenor lit. c ni d, sco era la prestaziun da rodund treis onns da scolaziun.
L’instrucziun sto purtar sesezza. Il daner da cuors vegn fixaus tenor ils projects.

h) Teoria

Roms da teoria per scolars avanzai sin damonda.

2) per regla suenter treis onns instrucziun da clavazin