1. semester   uost 2009 tochen fin da schaner 2010

2. semester   fevrer 2010 tochen fin da zercladur 2010

a) ritmica per affons pigns

17 lecziuns a 50 minutas, ca. 8 scolars

L’instrucziun da ritmica promova igl affon a moda  cumplessiva (musica e moviment). Ella dat als affons la pusseivladad da sedar giu cun ils divers aspects dalla musica. Mieds gidonters ein moviments, material da ritmica, instruments, versets, canzuns e historias. Leutier vegn l’udida, la reacziun e la concentraziun  exercitada en fuorma da giug. Ils affons vegnan plidentai dalla gronda expressiun dalla musica. Cun sempels mieds vegn quei effect vicendeivel d’affon e musica nezegiaus, exercitaus adequat alla vegliadetgna e fatgs cunscients. Ritmica ei ina fetg buna preparaziun sin l’entschatta dall’instrucziun da musica.

b) Instrucziun prescolara/scolaziun elementara

17 lecziuns à 60 minutas, naven dil davos onn da scoletta,  ca. 8 scolars

L'instrucziun prescolara/scolaziun elementara cumpeglia in pensum da dus onns. Entras semover, tedlar, cantar e notar vegn igl affon sensibilisaus per ritmus, melodia, fuorma ed expressiun. La scolaziun elementara promova la fantasia e la creativitad digl affon, ella sveglia il plascher ed ils sentiments e dat sustegn al svilup general.

c) Cuors elementar (cun flauta)

17 lecziuns à 40-60 minutas, tenor grondezia dalla gruppa, per regla naven dalla 2. classa

ca. 6 scolars

Il cuors elementar cumpeglia in pensum da dus onns. Sper l'instrucziun elementara en cantar, leger e scriver notas cuntegn il cuors elementar la scolaziun dall'udida entras cantar, sunar la flauta e sefatschentar culs instruments d'Orff. Plinavon vegn igl affon sensibilisaus per moviment e musica entras il rom da ritmica.

d) Instrucziun en gruppa

17 lecziuns à 40-60 minutas, tenor grondezia dalla gruppa, per regla naven dalla 4. classa

• accordeon, ca. 4 scolars
• flauta, ca. 4 scolars
• instrument da stuors, ca. 4 scolars1) 
• schumber (tamburs), ca. 4 scolars

e) Instrucziun singula

17 lecziuns à 30 minutas, entschatta individuala tenor instrument e madirezia musicala digl affon

• accordeon
• cant
• clarinetta
• clavazin
• flauta
• flauta da pan
• flauta traversa
• ghitara
• instrument da stuors 1)
• keyboard
• orgla baselgia 2)
• percussiun
• saxofon
• schumber
• violina
• viola
• violoncello

f) Ensembles

Emprovas tenor plan special d’activitads.

La cooperaziun en ensembles pretenda per regla la frequentaziun parallela d’instrucziun tenor lit. c ni d, sco era la prestaziun da rodund treis onns da scolaziun.
L’instrucziun sto purtar sesezza. Il daner da cuors vegn fixaus tenor ils projects.

g) Teoria

Roms da teoria per scolars avanzai sin damonda.

________________________________________
1) spezial formular d’annunzia per instruments da stuors
2) per regla suenter treis onns instrucziun da clavazin

(tenor regulativ dalla Scola da musica dils 01-01-2006)

1. Per annunzias inoltradas cun retard vegn – schinavon che quellas san aunc vegnir acceptadas – quintau ina taxa d'inscripziun supplementara da frs. 30.--.
2. Tier ina retratga dall’annunzia nova avon ils 10 da fenadur per igl 1. semester, resp. avon ils 10 da schaner per il 2. semester vegn quintau ina taxa d’inscripziun da frs. 30.--. Succeda la retratga dall’annunzia suenter ils 10 da fenadur per igl 1. semester, resp. suenter ils 10 da schaner per il 2. semester, vegn igl entir daner da scola incassaus.
3. Interrumpa in scolar l’instrucziun duront il semester da scola exista negin dretg da pretensiun sin ina reducziun resp. restituziun dil daner da scola. Excepziuns da quella regla ein pusseivlas mo en cass argumentai. Restituiu vegn sil pli bia 80 pertschien dil daner da scola.
4. L'instrucziun sedrezza per regla tenor il plan da vacanzas dil liug d'instrucziun. Sa il scolast buca dar ina lecziun, sche vegn quella prida suenter. En cass ch'il scolast ei malsauns pli liung temps, vegn il daner dil cuors restituius commensuradamein. Lecziuns munchentadas per cuolpa dil scolar vegnan buca pridas suenter e per talas vegn buca restituiu il daner da scola. Absenzas nunevitablas ein d'annunziar ad uras al scolast.
5. Pil daner da scola tschenta la Scola da musica Surselva quen. A famiglias che han pli che dus affons che frequentan l'instrucziun da musica purschein nus in rabat da 15 pertschien.
6. Cuosts da viadi che surmuntan frs. 5.-- per viadi ir e turnar (abonnament) vegnan indemnisai.
7. Per obtener ina reducziun dil daner da scola entras la Pro Juventute san ins dumandar il "formular da damonda per reducziun dil daner da scola" tier il secretariat regiunal dalla Scola da musica Surselva. Damondas che vegnan inoltradas cun retard san buca vegnir risguardadas.