1. En general
L’instrucziun prescolara (sco ins numna ella tier affons da scoletta) e la scolaziun elementara (sco ins numna ella tier affons da scola) stattan all’entschatta da mintga occupaziun sapientiva cun musica. Da principi sa quella instrucziun vegnir purschida en mintga vegliadetgna. Ella s’occupescha cun ils elements dalla musica (parameters) e sebasa sin ils dus aspects recepziun (tedlar) e producziun (far).
Las finamiras ed ils cuntegns ein da principi identics sin omisdus scalems. La differenza schai denton ella intermediaziun specifica dalla materia tenor scalems. Tier affons ein treis fuormas pusseivlas:
- Ils affons frequentan mo l’instrucziun prescolara en la vegliadetgna da scoletta.
- Ils affons frequentan mo la scolaziun elementara naven dalla vegliadetgna da scola.
- Ils affons frequentan l’instrucziun prescolara e silsuenter la scolaziun elementara.
2. Activitads
Il cuntegn dall’instrucziun prescolara e dalla scolaziun elementara cumpeglian las suandontas activitads: experimentar, distinguer, denominar, imitar, empruar, inventar, formar, malegiar, nudar, exercitar.
3. Finamiras principalas
Las finamiras principalas dall’instrucziun prescolara e dalla scolaziun elementara ein il sensibilisar ed il motivar per musica e moviment. La tgira dalla tenuta sociala e la sviluppaziun dil dun da percepziun ein permanentamein elements accumpignonts.
Las finamiras principalas schaian aschia sil plaun social, emoziunal, cognitiv e motoric. L’instrucziun prescolara e la scolaziun elementara fuorman ina basa ideala per igl access all’instrucziun instrumentala.
4. Finamiras grondas e lur cuntegns
Per motivs da survesta vegnan ils proxims puncts structurai en tschun parts. Igl ei da remarcar che tuts tschun puncts secruschan fetg ell’instrucziun. Tut emprender, oravontut quel dalla teoria da musica, dueigi succeder sin moda cumplessiva, cruschada ed ord igl impuls dil giug.
a. Cantar e plidar
- scolaziun dil flad e dalla vusch, intonaziun, imaginaziun dalla
- ircumferenza dil tun
- repertori da canzuns e versets
b. Musica e moviment
- habilitad individuala da moviment
- coordinaziun da moviment (persuls e cun auters)
- modas e manieras da moviment, svilup e tgira dil moviment (transmissiun da musica, plaid ed imaginaziun)
c. Instruments elementars
- sunar instruments elementars (generaturs da tun), sviluppaziun dalla tecnica da sunar, experientschas da sunar ensemen
- emprender d’enconuscher instruments
d. Tedlar musica
- impressiuns, maletgs, imaginaziuns
- parameters, colurs tonalas, sorts tonalas, ritmus, successiuns da tuns
- instruments, fuormas musicalas, stils
e. Basa musicala / teoria da musica elementara
- metrum, accent, tact
- valeta dallas notas, pausas, ritmus
- ault-bass (repetiziuns da tuns, intervals, segls)
- nominaziuns da tuns, fuormas da notaziun (grafic e tradiziunal)
5. Recumandaziun
Nus recumandein da visitar l’instrucziun prescolara e scolaziun elementara adina sur in entir onn ora.
6. Annunzia
Ils affons, ils quals midan dall’instrucziun prescolara sin la scolaziun elementara I ni II ston adina s’annunziar da niev.
