Informaziuns generalas
Culla maturitad dil fatg sanadad porscha il cantun Grischun ina scolaziun che porscha las premissas adattadas per in studi alla scol'aulta culla direcziun sanadad.
La scolaziun ei signada da scolaziun generala profunda enteifer treis onns e da specialisaziun duront dus onns els roms specifics dil fatg. L'atgna cumpetenza e la cumpetenza sociala vegnan promovidas specialmein entras il practicum ed entras la lavur sursesez. El quart onn, suenter la finiziun dalla Scola media propedeutica, vegnan las experientschas dil mund da lavur dall'instituziun da practicum elegida rimnadas e reflectadas . Plinavon vegn scolau qualificaziuns da clav relevantas. La lavur da maturitad cuntegn l'ocupaziun cun in tema, che muossa las investas, experientschas ed enconuschientschas dil practicum.
Duas pusseivladads da scolaziun
El cantun Grischun dat ei las suandontas vias da contonscher la maturitad dil fatg sanadad:
1. via (ei pusseivla tiel Center da formaziun Surselva)
Onn supplementar suenter la scola media propedeutica
- In cuors d'introducziun da quater jamnas prepara las scolaras ed ils scolars pil practicum. Il cuors vegn menaus atras dil bgs (Center da sanadad e socialesser, Cuera) per tuttas scolas medias propedeuticas dil cantun Grischun.
- Sil pli pauc 24 jamnas practicum en in'instituziun dalla sparta sanadad.
- Scriver e presentar la lavur da maturitad en connex cul practicum.
2. via (ei buca pusseivla tiel Center da formaziun Surselva)
Scola media propedeutica sanadad duront il studi alla scol'aulta dil fatg per tgira
- Quella via ei surtut per absolventas ed absonvents che vulan suenter la finiziun dalla scola media propedeutica sparta sanadad visitar ina sol'aulta dil fatg per la tgira.
- Quella scolaziun cuoza en tut 6 semesters. Las scolaras ed ils scolars interessai dalla Scola media propedeutica entscheivan la scolaziun alla scol'aulta dil fatg per la tgira regularmein e scrivan la lavur da maturitad el 3. semester.
