Terapia da lungatg
Lungatg ei enzatgei dil pli impurtont pil carstgaun. Grazia al lungatg savein nus s’exprimer e secommunicar cun auters carstgauns. Duront che nus discurrin ein differents process corporals, emoziunals e mentals involvi. Aschia pertucca in disturbi da lungatg adina l’entira persuna e sa cheutras influenzar siu sesentir psichic e social.
La terapia da lungatg s’occupescha da disturbis dalla communicaziun verbala. Persunas da mintga vegliadetgna ch’ein restrenschidas en lur moda da s’exprimer, seigi quei entras ina menda da naschientscha, ina malsogna ni in accident, san far diever d’in accumpignament terapeutic.
TGEI cumpeglia la terapia da lungatg?
- Sclariment
- Terapia
- Cussegliaziun
TGEI vegn purschiu?
- Terapia staziunara
- Terapia ambulanta
- Terapia da domicil
TGEI difficultads vegnan tractadas ella terapia da lungatg?
- Disturbis dil lungatg e dil discuorer
- Disturbis dalla vusch
- Disturbis dil laguoter
