Nus, il Center da formaziun Surselva essan in'instituziun da formaziun dalla Regiun Surselva e purschin formaziun e formaziun supplementara. Igl onn 2011 ein las scolas dil scalem secundar II (cun excepziun dil gimnasi dalla claustra Mustér) dalla Surselva vegni mess ensemen sut il purtader dalla Regiun Surselva. Per la Regiun Surselva eis ei d'impurtonza centrala dad haver ina purschida da formaziun ch'ei qualitativamein aulta. Quei buca sulettamein ord motivs da politica da formaziun mobeein era ord ponderaziuns economicas. Tiel Center da formaziun Surselva - sco partiziun dalla Regiun Surselva - audan sil scalem secundar II

• la Scola media mercantila
• la Scola media propedeutica
• la Scola professiunala commerciala
• la Scola professiunala industriala
• la Scola preprofessiunala.

Plinavon audan il Survetsch logopedic, la Scola mercantila dil di e la Scola da musica tier las partiziuns dil Center da formaziun Surselva. Cun rodund 110 persunas d'instrucziun, rodund 1900 scolaras e scolars essan nus la pli gronda organisaziun da scola ella Surselva.