Informaziuns generalas
Il Center da formaziun Surselva porscha in cuors che s'orientescha alla pratica e cuoza dus onns. Il cuors ei surtut per persunas interessadas ch'ein gia en in mistregn, seigi quei mistergnerAs, persunas che lavuran ella vendita, persunas che lavuran en mistregns socials etc. Il cuors ei ideals per dunnas ni umens da casa, per persunas che vulan puspei entrar el mund da lavur sco era per persunas interessadas, che vulan sescolar el sectur commercial. Il cuors succeda sin fundament da moduls e sedrezza allas pretensiuns dalla fiera da lavur.
Finamiras dalla scolaziun
- S'endisar vid mieds electronics moderns
- Intermediar ina basa per lavurs qualificadas en biros ed administraziuns
- Porscher a carschi formaziun supplementara el sectur commercial
Instrucziun
L'instrucziun ha liug al Center da formaziun Surselva. Duront 4 semesters visiteis Vus mintga gliendisdis tschun lecziuns naven dallas 13.30 - 17.45 uras.
L'instrucziun succeda en gruppas pintgas suenter metodas d'emprender modernas. Ei vegn era luvrau cun mieds d'emprender electronics.
Cuors 2012 - 2014
L'entschatta da scola pigl emprem modul dil cuors 2012 - 2014 ei ils 13 d'uost 2012.
Il prospect saveis Vus cargar giu cheu (mo per tudestg).
