La Scola mercantila propedeutica (FMS) porscha suenter la scola populara duront treis onns ina scolaziun generala profunda. La FMS vegn menada tier nus sco classa cumbinada culla Scola media mercantila. Ils biars roms fundamentals vegnan visitai ensemen culla classa dalla Scola media mercantila. Ils roms psicologia, scienzia naturala, musica ed art visetan las classas dalla FMS persulas. Naven dalla 2. classa vegnan las scolaras ed ils scolars parti en spartas da mistregn. Nus purschin la sparta sanadad. Talas scolaras e scolars ch'elegian in'autra sparta sa midar senza examens tier la Scola cantunala a Cuera. Pils roms dalla sparta sanadad (chemia, fisica e biologia humana) visetan nossas scolaras e nos scolars visetan duront in di ad jamna la Scola cantunala a Cuera.

Alla fin dil secund onn ha liug in practicum che cuoza 4 jamnas. Duas jamnas da quellas vegnan prestadas duront las vacanzas da scola. Quei practicum possibilitescha da prender investa dil mistregn e dalla veta professiunala. El vegn accumpignaus d'in scolast resp. d'ina scolasta. El quart onn vegn la scolaziun cumpletada entras las preparaziun sils examens per la matura.

Ella sparta sanadad vegnan las scolaras ed ils scolars preparai naven dil secund onn sin la Scol'aulta da tgira. Il diplom dalla FMS lubescha ell'entira Svizra l'entrada en ina scol'aulta dil fatg dalla sparta elegida.

La lavur obligatoria e sursesez vegn elaborada el rom dall'instrucziun generala ni dils roms specifics. Ella vegn accumpignada e valetada d'ina scolasta resp. d'in scolast. Il tema dalla lavur e la valetaziun dalla lavur vegnan pridas si el diplom.

Nus preparein las scolaras ed ils scolars sin examens naziunals ed internaziunals (FCE, DILS). Nus purschin 5 lungatgs e promovin entras quei las habilitads da communicaziun.

Suenter la scolaziun el tierz onn eis ei pusseivel d'entrar senza examen ella 5avla classa dil gimnasi. Entras quei san ins era contonscher sin quella via la matura gimnasiala.

• Las peisas dalla FMS schaian sin ils lungatgs e communicaziun, matematica e scienzias naturalas, scienzia sociala e dalla societad sco era activitads musicas e sport.
• La FMS prepara las scolaras ed ils scolars silla veta. Las enconuschientschas e habilitads che las scolaras e scolars acquireschan ein impurtontas schibein per la veta professiunala sco era per la veta privata.
• L'instrucziun vegn cumpletada entras visetas en fatschentas, lavurs en fatschentas e discuors.
• El rom dall'instrucziun da project promovin nus igl emprender sursesez ed il s'orientar da process.
• Ina finamira impurtonta pedagogica ei il svilup dalla persunalitad. Duront l'instrucziun vegn purschiu allas scolaras ed als scolars da luvrar sursesez, da decider e da purtar la responsabladad per las decisiuns. Las lavurs el team promovan la promtadad da discussiunar e la habilitad dad ir entuorn cun conflicts.
• Fuormas modernas da luvrar e d'instrucziun promovan il svilup dallas atgnas cumpetenzas sco era dallas cumpetenzas socialas.
• Las fuormas d'emprender promovan il svilup persunal entras tschentar l'atgna responsabladad, baghegiar si relaziuns, spert da team e discussiuns davart damondas da senn e valetas dalla veta sco finamiras indispensablas.
• Ellas spartas da professiun s'orientescha la FMS als desideris dallas scolas supplementaras. Entras quei vegnan las scolaras ed ils scolars scolai pli specific e tenor ils basegns dil mistregn resp. dalla scola.

Cun quellas scolaziun ein biaras portas ella sparta sociala e pedagogica aviartas.