Igl onn da scola cuntegn tier nus era excursiuns, suentermiezdis da project, occurrenzas da sport, referats ed aunc bia auter. Interrupziuns en fuorma d'occurrenzas fan bein e rumpan empau il mintgadi da scola.

• Nus promovin il lungatg, metter entuorn quel vul dir formular e crear. Scribentas e scribents san dar impurtonts impuls. Forsa che las prelecziuns promovan era enqual scribent ni scribenta dil futur.
• Nus purschin in viadi en ina tiara jastra (Malta ni Engheltiara). Aschia sa il lungatg vegnir emprius e druvaus el liug. Nus essan perschuadi che bunas enconuschientschas da lungatg simplificheschan la partenza ella veta professiunala ni en ina proxima scolaziun.
• Seras da geniturs vegnan organisadas dallas classas. Aschia emprendan las scolaras ed ils scolars gia baul da purtar responsabladad.
• Nus envidein referentas e referents. Sur da temas complex refereschan specialists e pertucai.
• Tier las discussiuns al podi cun persunas ord la politica neschan interessantas discussiuns.
• Nus mettin gronda peisa sin prevenziun. Temas sco fimar, alcohol e drogas vegnan integrai ell'instrucziun.
• La sanadad da nossas scolaras e nos scolars schaian a nus al cor. Perquei ha sport tier nus ina gronda muntada. Nus promovin sportists aschi bein sco pusseivel. Ina part ferma da nies program da sport ein ils dis da skis e la participaziun al campiunadi grischun dallas scolas medias ed aunc bia auter... Nus essan loschs sin nos anteriurs scolars sco p.ex. Carlo Janka (skis alpin) ed Eligius Tambornino (cuorsa liunga).
• Duront la scolaziun han liug differentas visetas da fatschentas, visetas da dertgiras, giugs da planisaziun ed aunc bia auter.