Finamiras
La conferenza svizra dallas directuras e dils directurs cantunasl da l'educaziun publica (CDEP) circumscriva las finamiras digl engaschament practic sco suonda:
- Investa el mund da lavur dalla instituziun ella sparta sanadad elegida
- Appropriaziun da savida fundamentala e d'experientschas practicas ella relaziun cun carstgauns, che han specials basegns
- Experientschas cun damondas dil mintgadi e sur il rom davart organisaziun, administraziun e lavur da team
- Pusseivladad da crescher vid situaziuns pretensiusas e cumplexas e d'emprender d'enconuscher sesez entras quellas situaziuns
Plaz da practicum
Ils maturands e las maturandas enqueran en atgna reschia in plaz da practicum tier in'instituziun ella sparta sandad e siaran giu in contract da lavur.
Il Center da formaziun Surselva (Post da coordinaziun maturitad dil fatg sanadad GR) lubescha cun ina cunvegna il practicum. Il contract da lavur ei part da quella cunvegna.
Il cuoz dil practicum cuoza sil pli pauc 24 jamnas. Il practicum sa per vegnir entschats suenter il cuors d'introducziun al Center da sanadad e socialesser a Cuera (bgs).
Temps da lavur e paga
Il temps da lavur e la paga sedreza suenter las tarifas usitadas dalla branscha per practicants e precticantas en pensum cumplein.
Incumbensa dalla fatschenta
Il practicum en in'instituziun ella sparta sanadad vegn accumpignada d'ina persuna dil fatg (responsabel/a pil practicum) dalla fatschenta. La presuna dil fatg ei qualificada entras formaziun sco era entras experientscha practica. Sper l'introducziun ei era il giudicament repetitiv communabel dil practicum tenor fegl da giudicament per la maturitad dil fatg sanadad incumbensa dalla persuna dil fatg. Quel survescha buca mo sco basa da giudicament mobein era sco orientaziun e per la fixaziun da finamiras. La fatschenta suttascriva culs practicants resp. las practicantas in contract che reglescha la relaziun da lavur. Cullas suttascripziuns declaran omisduas partidas d'esser d'accord cullas cundiziuns da lavur definidas sco era cullas incumbensas/cumpetenzas dalla persuna dil fatg.
Informaziuns supplementaras.
Incumbensa dallas maturandas e dils maturands
Entras ils contracts da lavur ed attestats confirman las maturandas ed ils maturands ch'els adempleschan tut las prescripziuns davart il practicum e practica da lavur e s'obligheschan da suondar las pretensiuns dalla persuna dil fatg e ch'els setegnan vid igl uorden dall'instituziun.
Las maturandas ed ils maturands meinan in schurnal da lavur sur dalla lavur ell'instituziun. En quei schurnal documenteschan els las lavurs prestadas, experientschas e discuors sco era atgna reflexiun davart las experientschas fatgas.
Las maturandas ed ils maturands scrivan ila lavur da matura sur dad in tema ord ina sparta dall'instituziun. Sco persuna d'accumpignament elegian els ina persuna dalla Scola media propedeutica.
