Intermediar agid d’investiziunEl rom dalla lescha federala davart igl agid d'investiziun per territoris da muntogna (LAI) intermediescha la Regiun Surselva emprests senza tscheins per finanziar infrastructuras che sustegnan las finamiras dil concept regiunal da svilup e dil program da plirs onns. Il concept da svilup cuntegn la situaziun da partenza, las fermezias/fleivlezias, las finamiras, las relaziuns relevantas denter ils differents secturs sco era in plan d'acziun ed ils fegls d'acziun dils secturs decisivs per il svilup dalla regiun e per las activitads dil purtader regiunal. Il concept da svilup ei igl instrument da gestiun, planisaziun e coordinaziun dalla Regiun Surselva per ils proxims 10 tochen 15 onns.
Il programm da plirs onns ei aschidadir il programm guvernativ dalla regiun. Quel gida a fixar igl agir quotidian tenor prioritads. Il program da plirs onns ha l'incumbensa da priorisar periodicamein las acziuns el concept da svilup sco era d'actualisar quellas tenor ils pass concrets.
La Regiun Surselva giudichescha las damondas sin basa da criteris dall’economia regiunala e dall’economia da menaschi. Per restituir ils emprests ston segirtads sufficientas esser avon maun.
Il post da contact per il svilup regiunal cusseglia bugen ton investurs privats sco era publics en ina dallas empremas fasas dil process da planisaziun. Ils suandonts programs da promoziun existan actualmein:
|
|
|