Tier la Scola media mercantila culla maturitad professiunala setracta ei dil vegl sistem da scolaziun. Quel ei valeivels per giuvenils che han entschiet lur scolaziun (HMS) avon igl onn da scola 2011/2012. Per giuvenils ch'entscheivan la scolaziun pli tard pia naven digl onn 2011/2012 cuoza la scolaziun quater onns e cuntegn gest la maturitad professiunala.

La Scola media mercantila (HMS) culla maturitad professiunala sedrezza a giuvenils, che han suenter il temps da scola obligatoric interess dad ina emprema scolaziun. 

Quella scolaziun cuoza cugl onn da practicum quater onns e vegn terminada cul diplom sco commerciant/a e culla maturitad professiunala. Ei setracta d'ina scola dil scalem secundar II ch'ils giuvenils visetan duront tschun dis ad jamna, pia ina scola cumpleina. La Scola media mercantila culla maturitad professiunala colligia ina profunda scolaziun generala cun scolaziun da mistregn.

Schibein il diplom sco commerciant/a (possibilitescha l'entrada directa el mund da lavur) sco era la maturitad professiunala (possibilitescha l'entrada senza examens en scolas aultas) ein renconuschi digl Uffeci federal da formaziun e tecnologia. 

El decuors dalla scolaziun rimnan ils giuvenils experientscha pratica da lavur entras practicums dad en tut varga in onn. Suenter ils treis onns scolaziun en scola absolveschan els in practicum accumpignau dad in onn.

Cheu sut anfleis Vus las pli impurtontas informaziuns e formulars tier la maturitad professiunala per cargar giu (disponibel per tudestg).