|
La collaboraziun denter ils menaschis pigns e mesauns ella regiun sil camp dil marketing e dalla communicaziun enviers anora (ordvart la regiun) vegn promovida.
Ultra da quei vegn l’economia regiunala rinforzada cun acziuns sco per exempel informaziuns (referats, presentaziuns ed occurrenzas), workshops cun pliras branschas (Forum Surselva) eav. Il post per il svilup regiunal sestenta era da commercialisar meglier la Surselva. La finamira ei da posiziunar – en collaboraziun cugl Uffeci per economia e turissem – la Surselva sco regiun da muntogna innovativa silla fiera.
|
