Per la lavur da giuventetgna ein las vischnauncas responsablas. El cantun Grischun ha la lavur da giuventetgna communala organisada professiunalmein denton aunc buca saviu s'etablir. Tonaton dat ei en Surselva gia oz purschidas concretas per la lavur e la promoziun da giuventetgna, quei denton surtut sin plaun local – en uniuns – ed a moda pauc coordinada.

Ina finamira da mintga vischnaunca duess esser da scaffir, cun offertas e pusseivladads multifaras, cundiziuns d'habitar e da viver attractivas per tut las habitontas e tut ils habitonts.

Igl atun 2008 ha la regiun surselva  publicau il rapport „Lavur da giuventetgna en Surselva“. Cun quei rapport dat la regiun surselva a mintga vischnaunca la pusseivladad da s'occupar dalla tematica "giuventetgna" cun tut sias fassettas e da crear, tenor las resursas a disposiziun, purschidas corrispundentas resp. da sustener, da rinforzar e da promover purschidas existentas.

La regiun surselva vul gidar las vischnauncas da s'avischinar a quella finamira. Sin quellas paginas anfleis Vus ulteriuras informaziuns davart il tema „Lavur da giuventetgna en Surselva“, sco era persunas da contact che sustegnan e cusseglian Vus d'organisar offertas per giuvenils.

Negins artechels actuals.