• Per pianists cun speciala preferenza per jazz, pop e rock porscha la Scola da musica Surselva il rom „Instrucziun da clavazin en jazz, pop e rock“.

• L’instrucziun ha liug a Glion e vegn dada en lecziuns singulas da 30 ni 40 minutas. Il daner da scola sedrezza tenor la gliesta da prezis „Instrucziun singula“.
  
  L’annunzia succeda cul fegl normal d’annunzia. Sco rom nudeis Vus „clavazin“. Sut remarcas scrivis Vus „jazz, pop e rock“.

Instrumentalists avanzai san s'annunziar per la band da jazz. L'instrucziun consista d'ina introducziun el far musica sco ensemble, ella elaboraziun da litteratura da jazz ed el sepreparar per concerts.

L'instrucziun ha liug a Glion e vegn dada sco instrucziun d'ensemble cun max. 60 minutas, secund il diember da commembers. Il daner da scola sedrezza tenor la gliesta da prezis per "ensembles".

L'annunzia succeda cul fegl normal d'annunzia. Sco rom nudeis Vus Vies instrument (clavazin, ghitara, percussiun, clarinetta, saxofon, flauta traversa, trumbetta, posauna, tuba, cant). Sut remarcas scrivis Vus "band da jazz". Ulteriuras informaziuns obtenis Vus dil secretariat dalla Scola da musica, tel. 081 920 02 40 ni dil scolast dil rom Christian Müller, tel. 081 925 38 21, mail, pianist(at)bluewin.ch.