L'instrucziun generala ha liug duront 3 lecziuns per jamna. En quei rom vegn mussau allas emprendistas ed als emprendists impurtonta savida generala fundamentala ch'els basegnan el mintgadi.

L'instrucziun generala cuntegn suandontas spartas:

• societad
• lungatg e communicaziun

La sparta societad ei organisadad tematicamein. Duront igl emprendissadi vegnan suandonts temas tractai:

• ambient
• daners
• sanadad
• habitar
• contract d'emprendissadi / contracts
• dretg
• politica
• solidaritad
• consum
• taglia
• lavur
• economia
• ecologia
• partenadi / viver ensemen

Tier quei vegn promoviu la tecnica da luvrar e d'emprender. Entras quei megliuran las emprendistas ed ils emprendists lur habilitads da luvrar cul computer, cugl internet, sco era lur cumpetenzas da lungatg e d'organisaziun.

Lungatg e communicaziun ei integrau ell'instrucziun tematica. Ils emprendists e las emprendistas megliuran lur cumpetenzas da lungatg e da communicaziun entras il diever dil dretg, dall'economia e la politica el mintgadi. Ils lungatgs ufficials ein tudestg (2/3) e romontsch (1/3).

Pils emprendists e las emprendistas da lieunga tudestga ha l'entira instrucziun liug per tudestg.

Alla fin digl emprendissadi duess mintga emprendist esser habels da dumignar il niev ambient, impurtontas activitads dil mintgadi (taglia, segiradas etc.) sco era las obligaziuns da habitonts.

Negins artechels actuals.