Nus selegrein da saver presentar a Vus il program per l'instrucziun da musica pigl onn da scola 2010/2011. Il davos onn da scola havein nus buca saviu risguardar tut las scolaras e tut ils scolars annunziai. Nus sperein ch’ei seigi pusseivel da risguardar tuttas annunzias il proxim onn da scola.
Annunzia
Tuttas scolaras e tuts scolars d’entochen ussa valan sco annunziai. Eventualas correcturas e midadas pertuccont adressa ni instrument san vegnir annunziadas al secretariat cul fegl da famiglia aschuntau.
Annunzias novas san succeder cul formular d’annunzia vit. Il temps d’annunzia cuoza entochen ils 25 da matg 2010 per igl 1. semester e tochen ils 15 da december 2010 per il 2. semester.
Retrer l’annunzia
L'avisada dall’annunzia sa vegnir inoltrada cul fegl d'avisada tochen ils 15 da matg 2010 per igl 1. semester e tochen ils 5 da schaner 2011 per il 2. semester. Succeda negina avisada dall’annunzia vala il scolar sco annunziaus per il proxim semester. scolaras e tuts scolars d’entochen ussa valan sco annunziai. Eventualas correcturas e midadas pertuccont adressa ni instrument san vegnir annunziadas al secretariat cul fegl da famiglia aschuntau.
Annunzias novas san succeder cul formular d’annunzia vit. Il temps d’annunzia cuoza entochen ils 25 da matg 2010 per igl 1. semester e tochen ils 15 da december 2010 per il 2. semester.
Urari
Per elaborar il plan d'instrucziun stuein nus saver disponer, aschilunsch che quei ei necessari, era dils suentermiezdis/dis libers duront l'jamna.
Nus fagein attents ils geniturs che la Scola da musica metta a disposiziun negins instruments e portanotas. Mintgin ha da procurar sez pigl instrument e pil portanotas. Nossas persunas d'instrucziun da musica segidan denton bugen leutier cun plaid e cussegl.
Per ulteriur sclariment saveis Vus s’annuziar tier il secretariat dalla Scola da musica tel. 081 920 02 40.
Nus sestentein ton sco pusseivel da dar l'instrucziun da musica a moda decentralisada. Tuttina sa ei esser inevitabel ch'era la scolara ni il scolar sto prender encomi in ton dil viadi tier la persuna d'instrucziun. Avon ch'il semester entscheiva obtenis Vus risposta sur dalla repartiziun als scolasts e, aschilunsch sco pusseivel, sur dil di ed il liug d'instrucziun.
