DMO SURSELVA E TERRITORI VISCHINONT

Organisaziun per il management da destinaziun (DMO) Surselva e territori vischinont

Per augmentar l’efficacitad e l’effectivitad el turissem grischun ha il Departament digl intern e dall’economia publica lantschau il project “structuras cumpetitivas e repartiziun da las incumbensas el turissem grischun”.

Sebasond sin quellas premissas duein ins sviluppar resp. megliurar las structuras e las organisaziuns da commercialisaziun per la Surselva. Las finamiras principalas ein las suandontas:

• gudignar dapli novs hosps en Surselva ed aschia augmentar las pernottaziuns
• augmentar la creaziun da valur turistica en Surselva
• mantener e crear plazzas da lavur 

Las “novas” structuras e la repartiziun dallas incumbensas duein cunzun possibilitar el sectur da marketing d’impunder en moda efficazia ils mieds finanzials ch’ein avon maun. Aschia scaffeschan ins era las premissas da basa per sviluppar strategias efficazias e products turistics innovativs.

Da tut ils documents davart il project da DMO san ins prender investa egl internet sut

www.awt.gr.ch (Wettbewerbsfähige Strukturen und Aufgabenteilung im Bündner Tourismus).