Ils prezis indicai valan senza 8% taglia sin pli valeta.

Resalva da consegna
En singuls cass sa la consegna da material vegnir refusada.

Volumen, peisa e categoria da material
Il volumen respectiv la peisa dil material e la categoria da material vegnan mesirai ligiontamein el post da consegna ni constatai sin fundament da cedels da stadera.

Responsabladad dil furnitur
Il furnitur da material ei responsabels ch'ei vegni furniu sulettamein material indicau sil cedel da furniziun e sulettamein material che corrispunda alla lescha.
Il furnitur ei responsabels pil material furniu e quei era sch'ei vegn constatau a caschun d'ina controlla visuala ch'ei setracta buca da material declaraus falliu ni da material nunlubiu. Ils cuosts per cargar e transportar naven il material declaraus falliu ni nunlubiu van sin donn e cuost dil furnitur.

Facturaziun
Il funitur ch'ei indicaus sin il cedel da deponia ei obligaus da pagar la taxa. La facturaziun al furnitur da material succeda silmeins mintga dus meins sin fundament dils cedels da deponia. Ina facturaziun separada al medem furnitur tenor vehichel, derivonza dil rumien etc. ei sclaussa.

Termin da pagament
Las taxas per furniziuns directas ein da pagar enteifer 30 dis suenter la facturaziun. Per pagaments retardai vegn ei quintau in tscheins da retard ell'altezia dil tscheins per contoccurrents dalla Banca cantunala dil Grischun plus dus pertschien sco era plus ina taxa d'admoniziun.

Rabat
A furniturs che furneschan la suandonta quantitad per onn calendar, vala il suantont rabatt:

Quei rabat vala per ils artechels ella gruppa 1 sut Taxa dil recicladi Surselva a Plaun Grond!